రైల్వే ఉద్యోగులకు రికార్డ్ బోనస్.. కేంద్రం కీలక ప్రకటన!

0
32

హైలైట్స్

  • రైల్వే ఉద్యోగులకు తీపికబురు
  • బోనస్ ప్రకటించిన కేంద్ర ప్రభుత్వం
  • కేబినెట్ తాజా మీటింగ్‌లో నిర్ణయం
  • 11 లక్షల మంది ఉద్యోగులకు ప్రయోజనం

కేంద్ర ప్రభుత్వం ఇండియన్ రైల్వే ఉద్యోగులకు తీపికబురు అందించింది. బంపర్ బోనస్ ప్రకటించింది. దీంతో రైల్వే ఎంప్లాయీస్‌కు 78 రోజుల బోనస్ అందనుంది. మోదీ సర్కార్ దీని కోసం రూ.2,000 కోట్లకు పైగా కేటాయించింది.

కేంద్ర ప్రభుత్వం రైల్వే ఉద్యోగులకు శుభవార్త అందించింది. బోనస్ బొనాంజా ప్రకటించింది. దీంతో 11 లక్షలకు పైగా ఉద్యోగులకు ప్రయోజనం చేకూరనుంది. నాన్ గెజిట్ రైల్వే ఉద్యోగులకు ఈ బోనస్ వర్తిస్తుంది. కేంద్ర కేబినెట్ బుధవారం నాటి సమావేశంలో ఈ మేరకు నిర్ణయం తీసుకుంది.

ఇండియన్ రైల్వేస్ నాన్ గెజిట్ ఉద్యోగులకు 78 రోజుల వేతనానికి సమానమైన బోనస్ లభిస్తుంది. కేంద్ర ఆర్థిక మంత్రి నిర్మలా సీతారామన్, కేంద్ర మంత్రి ప్రకాశ్ జవదేకర్ ఈ విషయాన్ని వెల్లడించారు. రైల్వే ఉద్యోగులకు 78 రోజుల బోనస్ అందుతుందని తెలిపారు.

రైల్వే ఉద్యోగులకు బోనస్ కింద కేంద్ర ప్రభుత్వం రూ.2,024 కోట్లు కేటాయించిందని జవదేకర్ తెలిపారు. కేంద్ర ప్రభుత్వం రైల్వే ఉద్యోగులకు ప్రొడక్టివిటీ లింక్డ్ బోనస్ అందించడం ఇది వరుసగా ఆరో సంవత్సరం కావడం గమనార్హం.

‘‘11 లక్షల మంది ఉద్యోగులకు కేంద్ర ప్రభుత్వం గత ఆరేళ్లుగా వరుసగా రికార్డ్ స్థాయి బోనస్ అందిస్తూ వస్తోంది. 78 రోజులకు సమానమైన బోనస్ వస్తుంది. ఈ ఏడాది కూడా 11,52,000 మంది ఉద్యోగులకు 78 రోజలు బోనస్ లభిస్తుంది’’ అని జవదేకర్ తెలిపారు.

ఇకపోతే ఇదే క్యాబినెట్ మీటింగ్‌లో కేంద్ర ప్రభుత్వం ఈ-సిగరెట్లపై నిషేధం విధించింది. ‘ఈ-సిగరెట్లు, వీటిని పోలిన ఇతర ప్రొడక్టులపై నిషేధించాలని కేబినెట్ నిర్ణయం తీసుకుంది. ప్రజలు మరీ ముఖ్యంగా యువతకు వీటి వల్ల ఆరోగ్య సమస్యలు పొంచి ఉండటం ఇందుకు కారణం’ అని కేంద్ర ఆర్థిక మంత్రి నిర్మలా సీతారామన్ తెలిపారు.

LEAVE A REPLY

Please enter your comment!
Please enter your name here