Home Blog

ఏ తప్పు దొరక్కపోయే సరికి మీరే రంగంలోకి దిగరా చంద్రబాబు గారు…

0

ఆంధ్రప్రదేశ్ ముఖ్యమంత్రి జగన్మోహన్ రెడ్డి ఏపీలో గ్రామ సచివాలయ పరీక్షలు నిర్వహించి ఒ పది రోజుల్లోనే ఫలితాలు విడుదల చేసి రికార్డు సృష్టించాడు. అయితే ఆంధ్రప్రదేశ్లో గ్రామ సచివాలయ పరీక్షల విడుదలై అభ్యర్థులందరూ మంచి ఫలితాలు సాధించారు. కాగా గ్రామ సచివాలయ పరీక్ష పేపర్లు లీకేజ్ అయ్యాయి అంటూ ప్రతిపక్షాలు ప్రభుత్వంపై విమర్శలకు దిగాయి. దీంతో ఏపీలో కొత్త రగడ మొదలైంది . టిడిపి అధినేత చంద్రబాబు ఈ విషయంపై వైసీపీ ప్రభుత్వంపై నిప్పులు చెరిగారు. లక్షా 26 వేల మందికి ఉద్యోగాలు ఇచ్చామని గొప్పలు చెప్పుకుంటున్న జగన్… ఒక్క ఉద్యోగానికి 5 లక్షల దండుకొని పేపర్ లీకేజ్ చేశారని చంద్రబాబు ఆరోపించారు

అయితే దీనిపై స్పందించిన వైసీపీ జాతీయ ప్రధాన కార్యదర్శి విజయ్ సాయి రెడ్డి చంద్రబాబుకు ఘాటుగా సమాధానమిచ్చారు. పరీక్ష రాసే అభ్యర్థులకు ఏదో ఒక ఫిర్యాదు చేయించాలని… మీ అనుకూల మీడియా తో ఎగ్జామ్స్ సెంటర్ల చుట్టూ తిరిగారు… కానీ ఎవరు తప్పు పట్టలేదు. చివరకు తమరే పూనుకొని ప్రశ్నాపత్రం లీక్ అయింది అని గొల్లిమనటం ఊహించిందే కదా నారా చంద్రబాబునాయుడు గారు.. మీలాంటి గొప్ప జ్ఞాని అలా అనకపోతే ఆశ్చర్యపోవాలి గాని అంటే ఆశ్చర్యపోవడం ఏంటి అని ఘాటుగా విమర్శించారు విజయసాయిరెడ్డి. 1983లో అధికారంలోకి వచ్చాక టీచర్ గా ఎంపికైన వారికి 398 రూపాయల వేతనం ఇచ్చే ఏళ్లతరబడి హింసించింది మీ ప్రభుత్వం కాదా ప్రశ్నించారు. ఇప్పుడు నాలుగు లక్షల మందికి గ్రామ సచివాలయ ఉద్యోగుల ఇస్తుంటే నారా చంద్రబాబునాయుడు ముఠా కళ్లల్లో నిప్పులు పోసుకుంటున్నారని… అందుకే శాడిస్టిక్ సెటైర్లు వేస్తుందని విజయసాయిరెడ్డి ఫైర్ అయ్యారు.

వైఎస్ షర్మిలకు కీలక పదవి..!!?

0

వైఎస్ జగన్ సోదరిగానే కాకుండా పార్టీ కోసం గతంలో అనేకమార్లు ప్రజల్లోకి వచ్చి పనిచేసింది. జగన్ జైలులో ఉండగా పాదయాత్ర చేసింది. అన్న జగన్ ను ముఖ్యమంత్రిని చేయడం కోసం చెల్లెలు షర్మిల పాదయాత్ర చేసిన సంగతి తెలిసిందే. ఉమ్మడి ఆంధ్రప్రదేశ్ లో కాంగ్రెస్ పార్టీ అధికారంలో ఉండగా జగన్ ను జైలుకు పంపించారు. ఆ సమయంలో వైఎస్ షర్మిల పార్టీ బాధ్యతను తీసుకొని సమర్ధవంతంగా నడిపించారు. కాంగ్రెస్ పార్టీపై ఆమె విమర్శల వర్షం కురిపించారు.

రాత్రి పగలు తేడా లేకుండా పాదయాత్రలు చేస్తూ… ముందుకు సాగారు.మీ కోసం జగనన్న వస్తున్నాడు. మళ్లీ రాజన్న రాజ్యం వస్తుందంటూ ప్రసంగిస్తూ ప్రతి నియోజకవర్గంలో పంచ్ డైలాగులతో జనాలనుఅప్పట్లో ఆకట్టుకున్నారు షర్మిల. 2014లో టిడిపి ప్రభుత్వం ఆంధ్రప్రదేశ్ లో అధికారంలో ఉన్న సమయంలో కూడా ఆమె అన్నతో కలిసి పాదయాత్ర, ప్రజల్లో ప్రసంగాలు చేసింది. అవి ప్రజలకు బాగా ఆకట్టుకున్నాయి. దీని ఫలితమే గత ఎన్నికల్లో వైసీపీ ప్రభుత్వం ఏర్పాటు చేయడం. జగన్ ముఖ్యమంత్రి కావడం.బాబు వస్తే జాబు వస్తుందన్నారు. ఎవరికి వచ్చింది? కేవలం చంద్రబాబు గారి కొడుకు లోకేష్‌కు మాత్రమే వచ్చిందని ఆమె చేసిన ప్రతి ఒక్కరిని ఆకట్టుకుంది.

రాజకీయాల్లో ఓనమాలు కూడా తెలియని లోకేష్ కు బాబు మూడు శాఖలు కట్టబెట్టారని ఆమె విమర్శించిన సంగతి తెలిసిందే. 2004లో వైఎస్ రాజశేఖర్ రెడ్డి ఎలాగైతే పాదయాత్ర చేసి తన ఉనికిని చాటుకోవడమే కాకుండా అధికారంలోకి వచ్చారో.. అదే తరహాలో జగన్ ను జైలులో పెట్టిన తరువాత షర్మిల పాదయాత్రకు శ్రీకారం చుట్టింది. ఆ పాదయాత్ర వైకాపాకు బాగా కలిసి వచ్చింది. బాబు, లోకేష్, చిరంజీవి, పవన్ కళ్యాణ్ ఎవరిని వదలకుండా విమర్శలు చేసింది. ఇలా ఆమె ప్రజలకు చేరువయ్యారు.జగన్ జైలుకెళ్లినా వైసీపీ పార్టీకి పెద్ద దిక్కుగా షర్మిల ముందుకు సాగారు. ఎన్నికల ముందు, తర్వాత ఓ వైపు తల్లి విజయలక్ష్మి, మరోవైపు సోదరి షర్మిల విస్త్రత ప్రచారంతో జనంలోకి వెళ్లిపోయారు.

2019 ఎన్నికల సమయంలో కూడా షర్మిల జగన్ తరపున ప్రచారం నిర్వహించింది. పార్టీని గెలిపించాలని కోరింది. ప్రజలు జగన్ ను గెలిపించారు. వైకాపా గెలిచిన తరువాత షర్మిలకు కేబినెట్ లో పదవి వస్తుందని అందరు అనుకున్నారు. కానీ, తనకు ఏ పదవి అవసరం లేదని ఇప్పటికే పలుమార్లు చెప్పింది. అయితే, తాజా సమాచారం ప్రకారం, త్వరలోనే ఆమెకు పార్టీలో ఓ కీలక పదవిని అప్పగించబోతున్నారని వార్తలు అందుతున్నాయి. అందులో ఎంతవరకు నిజం ఉందనే విషయం త్వరలోనే తేలిపోతుంది.

టీడీపీకి దెబ్బ‌మీద దెబ్బ మొన్న కోడెల‌… నేడు శివ‌ప్ర‌సాద్‌

0

ఏపీలో తాజా ఎన్నిక‌ల్లో ఘోర ఓట‌మితో చాలా వ‌ర‌కు కుంగిపోతోన్న విప‌క్ష టీడీపీకి వ‌రుస పెట్టి షాకుల మీద షాకులు త‌గులుతున్నాయి. అసలే పార్టీకి చెందిన ప‌లువురు నేత‌లు బీజేపీలోకో ? లేదా ? వైసీపీలోకో వెళ్లిపోతున్నారు. ఈ షాకులు ఇలా ఉంటే ఇక ఇప్పుడు పార్టీకి చెందిన సీనియ‌ర్ నేత‌లు మృతి చెందుతుండ‌డంతో పార్టీ శ్రేణుల‌తో పాటు పార్టీ అధినేత సైతం షాక్ అవుతున్నారు.

నాలుగు రోజుల క్రిత‌మే పార్టీ సీనియ‌ర్ నేత‌, మాజీ మంత్రి గుంటూరు జిల్లాకు చెందిన కోడెల శివ‌ప్ర‌సాద్ రావు మృతి చెందారు. పార్టీ శ్రేణులు కోడెల మృతి నుంచి కోలుకోనే లేదు. ఆ వెంట‌నే ఇప్పుడు మ‌రో సీనియ‌ర్ నేత, చిత్తూరు జిల్లాకు చెందిన మాజీ ఎంపీ ఎన్‌.శివ‌ప్ర‌సాద్ మృతితో పార్టీకి మ‌రో ఎదురు దెబ్బ త‌గిలింది. ఎస్సీ సామాజిక‌వ‌ర్గానికి చెందిన ఆయ‌న పార్టీకి బ‌ల‌మైన వాయిస్ వినిపించారు.

2004లో స‌త్య‌వేడు నుంచి అసెంబ్లీకి పోటీ చేసి ఓడిపోయిన ఆయ‌న‌కు చంద్ర‌బాబు 2009లో చిత్తూరు ఎంపీ సీటు ఎస్సీల‌కు రిజ‌ర్వ్ అవ్వ‌డంతో ఆ సీటు ఇచ్చారు. ఆ ఎన్నిక‌ల్లో ఆయ‌న విజ‌యం సాధించారు. ఇక సిట్టింగ్ ఎంపీ హోదాలో 2014లో ఆయ‌న మ‌రోసారి పోటీ చేసి వ‌రుస‌గా రెండోసారి విజ‌యం సాధించారు. ఇక ఈ ఎన్నిక‌ల‌కు ముందు ఆయ‌న ఎమ్మెల్యేగా పోటీ చేసి మంత్రి ప‌ద‌వి చేప‌ట్టాల‌ని ఆశ‌ప‌డ్డారు.

అయితే చంద్ర‌బాబు మాత్రం ఆయ‌న్ను మ‌ళ్లీ ఎంపీగానే పోటీ చేయించారు. ఎస్సీ సామాజిక‌వ‌ర్గంలో జిల్లాలోనే కాకుండా జాతీయ స్థాయిలో పార్ల‌మెంటులో ఆయ‌న అనేక స‌మ‌స్య‌ల‌పై త‌న విచిత్ర‌మైన వేషాల‌తో పోరాటం చేసి ఎంతో గుర్తింపు తెచ్చుకున్నారు. ఆయ‌న లేని లోటు తీర్చ‌లేనిద‌నే చెప్పాలి. ఏదేమైనా చంద్ర‌బాబుకు వ‌రుస ఎదురు దెబ్బ‌ల ప‌రంప‌ర‌లో శివ‌ప్ర‌సాద్ మృతి కూడా మ‌రో ఎదురు దెబ్బ అనే చెప్పాలి.

చంద్రబాబుకు షాకిచ్చిన పోలీసులు

0

స్ధాయి తక్కువ మాటలు మాట్లాడుతూ అందరి దగ్గరా చంద్రబాబునాయుడు క్లాసులు పీకించుకుంటున్నారు. మీడియాతో చంద్రబాబు మాట్లాడుతూ పోస్టింగుల కోసం కక్కుర్తిపడుతూ పోలీసులు అధికార పార్టీ ఏమి చెబితే అలా చేస్తున్నట్లు ఆరోపించారు. నిజానికి చంద్రబాబు చేసిన ఆరోపణలు చాలా తీవ్రమైనవనే చెప్పాలి. దానిపై మంత్రులు కానీ అధికార పార్టీ నేతలు కానీ ఎవరూ స్పందించలేదు.

అయితే పోలీసు అధికారుల సంఘం మాత్రం ఘాటుగానే స్పందించింది. శాంతి, భద్రతల కోసం నిరంతరం శ్రమిస్తున్న పోలీసులపై ఆరోపణలు, విమర్శలు చేయటం చంద్రబాబు స్ధాయికి తగవని చురకలంటించారు రాష్ట్ర అధ్యక్షుడు జే. శ్రీనివాస్, ప్రధాన కార్యదర్శి ఎండి మస్తాన్ ఖాన్, కోశాధికారి సోమశేఖర్ రెడ్డి. పోస్టింగుల కోసం కక్కుర్తిపడే అధికారులు ఎవరూ పోలీసుల్లో లేరని స్పష్టంగా చెప్పారు చంద్రబాబుకు.

సరే సంఘం నేతలు ఎలాగున్నా చంద్రబాబు చేసిన వ్యాఖ్యలైతే ఆయన స్ధాయికి తగనివనే చెప్పాలి. నిజానికి ఏ ప్రభుత్వం అధికారంలో ఉన్నా పోలీసుల పని వంటల్లో కరివేపాకనే చెప్పాలి. అవసరమున్నంత వరకూ ఉపయోగించుకుని తర్వాత తీసిపారేస్తారు. చంద్రబాబు కూడా ఇందుకు మినహాయింపేమీ కాదు.

తన హయాంలో పోలీసులను ఏ స్ధాయిలో టిడిపి కోసం ఉపయోగించుకున్నది అందరూ చూసిందే. విశాఖపట్నం విమానాశ్రయంలో జగన్మోహన్ రెడ్డిపై హత్యాయత్నం జరగ్గానే డిజిపి ఠాకూర్ స్పందించిన విధానం ఎంత వివాదాస్పదమైందో అందరికీ తెలిసిందే. ఠాకూర్ వ్యవహరించిన విధానం పూర్తిగా చంద్రబాబుకు అనుకూలంగానే ఉందనటంలో సందేహం లేదు.

అలాగే అప్పటి ఇంటిలిజెన్స్ చీఫ్ ఏబి వెంకటేశ్వరరావు చంద్రబాబు మద్దతుదారుగా వ్యవహరించినట్లు ఆరోపణలున్నాయి. వైసిపి ఎంఎల్ఏలను ఫిరాయింపులకు గురి చేయటంలో ఆయనదే కీలకమనే ఆరోపణలు ఇప్పటికీ వినిపిస్తునే ఉన్నాయి. ఎంతమంది వైసిపి ఎంఎల్ఏలు, నేతలపై తప్పుడు కేసులు పెట్టారో లెక్కేలేదు. ఎవరు అధికారంలో ఉన్నా పోలీసులను ఇలాగే వాడుకుంటారనటంలో ఎవరికీ అనుమానం లేదు. తన హయాంలో పోలీసులకు పూర్తి స్వేచ్చను ఇచ్చేసినట్లు చంద్రబాబు బిల్డప్ ఇవ్వటమే ఆశ్చర్యంగా ఉంది.

సందీప్ రెడ్డి వంగా ఏ స్టార్ హీరోను డైరెక్ట్ చేయబోతున్నాడో తెలుసా..?

0

అర్జున్ రెడ్డి సినిమాతో నేషనల్ వైడ్‌గా పాపులర్ అయ్యాడు సందీప్ రెడ్డి వంగా. ఈ సినిమానే హిందీలో కబీర్ సింగ్ పేరుతో రీమేక్ చేసి అక్కడా సంచలనం సృష్టించాడు ఈ దర్శకుడు.అర్జున్ రెడ్డి సినిమాతో నేషనల్ వైడ్‌గా పాపులర్ అయ్యాడు సందీప్ రెడ్డి వంగా. ఈ సినిమానే హిందీలో కబీర్ సింగ్ పేరుతో రీమేక్ చేసి అక్కడా సంచలనం సృష్టించాడు ఈ దర్శకుడు. ఇప్పుడు ఈయన కోసం తెలుగు హీరోలు బాగానే వేచి చూస్తున్నారు. ఏదేమైనా కూడా 2017 నుంచి కూడా అర్జున్ రెడ్డితోనే ట్రావెల్ అవుతున్నాడు ఈ దర్శకుడు. తెలుగులో రెండో సినిమా చేస్తాడేమో అనుకుంటే.. ఇదే సినిమాను హిందీలో రీమేక్ చేసాడు. ఇప్పుడు అర్జున్ రెడ్డి హ్యాంగోవర్ అయిపోయింది.

రెండో సినిమా చేయాల్సిన సమయం వచ్చేసింది. ఇదివరకు తెలుగులో సినిమాలు చేయాలనుకున్న సందీప్.. ఇప్పుడు మాత్రం హిందీపై ఫోకస్ చేస్తున్నాడు. ప్రస్తుతం ఈయన బాలీవుడ్ స్టార్ హీరో రణబీర్ కపూర్‌ను తన కథతో మెప్పించాడని తెలుస్తుంది. ఈ ఇద్దరి మధ్య సింగిల్ సిట్టింగ్‌లోనే కథ ఓకే అయిందనే వార్తలు వినిపిస్తున్నాయి. ఓ క్రైమ్ డ్రామాను రాసుకుంటున్నాడు సందీప్. అసలు క్రైమ్ ఎలా ఉండబోతుందో చూపిస్తానంటూ ఆ మధ్య ఛాలెంజ్ చేసాడు సందీప్.

ఇప్పుడు అది చేసి చూపించే పనిలో బిజీగా ఉన్నాడు. సంజయ్ దత్ బయోపిక్ తర్వాత ఫుల్ ఫామ్‌లోకి వచ్చాడు రణ్‌బీర్ కపూర్. ఇలాంటి సమయంలో సందీప్ రెడ్డి వంగా లాంటి సంచలన దర్శకుడితో సినిమా అంటే కచ్చితంగా అంచనాలు పెరుగుతాయి. ఈ సినిమాను T సీరీస్ భూషణ్ కుమార్ నిర్మిస్తాడని ప్రచారం జరుగుతుంది. అయితే ఈ ప్రాజెక్ట్ పట్టాలెక్కడానికి ఇంకా చాలా సమయం పట్టేలా కనిపిస్తుంది. దీనికి కారణం ప్రస్తుతం రణబీర్ రెండు సినిమాల్లో నటిస్తున్నాడు. బ్రహ్మస్త్రతో పాటు మరో భారీ సినిమాలోనూ నటిస్తున్నాడు రణ్‌బీర్. మొత్తానికి ఈ క్రైమ్ డ్రామాతో సందీప్ బాలీవుడ్‌లోనే తన ప్లేస్ సుస్థిరం చేసుకుంటాడో లేదో చూడాలి.

చంద్రుడిపై మొదలైన రాత్రి సమయం.. విక్రమ్‌పై ఆశలు ముగిసినట్టే!

0

ఇప్పటి వరకు చంద్రుడిపై పరిశోధనలకు ఏ దేశం చేయని సాహసం చేసిన భారత అంతరిక్ష పరిశోధన సంస్థ (ఇస్రో) చంద్రయాన్-2ను ప్రయోగించింది. అయితే ఈ ప్రయోగం చివరి మెట్టుపై నిలిచిపోయింది. చంద్రుడి ఉపరితలంపై అధ్యయనానికి భారత అంతరిక్ష పరిశోధన సంస్థ (ఇస్రో) ఎంతో ప్రతిష్ఠాత్మకంగా ప్రయోగించిన చంద్రయాన్‌-2 చివరి అంకంలో నిలిచిపోయింది. ఆర్బిటర్ నుంచి విడిపోయిన విక్రమ్‌ ల్యాండర్‌ సెప్టెంబరు 7 తెల్లవారుజామున చంద్రుడిపైకి దిగుతూ 2.1 కిలోమీటర్ల దూరంలో భూకేంద్రంతో సంకేతాలు ఆగిపోయాయి. నిర్దేశిత ప్రదేశానికి సమీపంలో విక్రమ్ హార్డ్ ల్యాండింగ్ అయినట్టు శాస్త్రవేత్తలు గుర్తించారు. తిరిగి దానితో కమ్యూనికేషన్ పునరుద్ధరణకు ఇస్రో శతవిధాల ప్రయత్నించింది. ఇందుకు అమెరికా అంతరిక్ష పరిశోధన సంస్థ నాసా తీసుకుని చేసిన ప్రయత్నాలు విఫలమయ్యాయి. దీంతో విక్రమ్ ల్యాండర్, ప్రజ్ఞాన్‌ రోవర్‌ల కథ ముగిసినట్టే. అత్యంత క్లిష్టమైన దక్షిణ ధ్రువంపై ల్యాండర్‌ను దింపడానికి ఇస్రో ప్రయత్నించింది. ఆ ప్రదేశంపై 14 రోజుల పగటి సమయం శనివారం ఉదయం ముగిసింది.

రెండు వారాల పాటు సాగే రాత్రి మొదలు కావడంతో నేటి నుంచి అక్కడ ఉష్ణోగ్రతలు మైనస్‌ 200 డిగ్రీలకు చేరుకుంటాయి. ఈ ఉష్ణోగ్రతను ల్యాండర్‌, అందులోని రోవర్‌ తట్టుకోలేవు. చంద్రుడి ఉపరితలాన్ని విక్రమ్ బలంగా ఢీకొట్టడంతో‘హార్డ్‌ ల్యాండింగ్‌’ జరిగినట్లు ఆర్బిటర్‌లోని కెమెరా తీసిన చిత్రాల ఆధారంగా ఇస్రో స్పష్టం చేసింది. ల్యాండర్ ఆచూకీ గుర్తించేందుకు సెప్టెంబరు 17న నాసా లూనార్‌ రికానసెన్స్‌ ఆర్బిటర్‌ (ఎల్‌ఆర్‌వో) ప్రయత్నించినప్పటికీ దాని జాడ తెలియరాలేదు. ల్యాండర్‌ నుంచి భూ కేంద్రానికి సంకేతాలు నిలిచిపోవడానికి గల కారణాలపై విద్యావేత్తలు, ఇస్రో నిపుణులతో కూడిన ఒక జాతీయ స్థాయి కమిటీని నియమించారు. కారణాలను విశ్లేషించి ఈ కమిటీ రూపొందించిన నివేదికను త్వరలోనే వెలువరిస్తామని ఇస్రో తెలిపింది.

కాగా, రెండు వారాల తర్వాత తిరిగి పగటి సమయం మొదలయ్యాక చంద్రయాన్‌-2 ఆర్బిటర్‌ మరోసారి విక్రమ్‌ ఆచూకీ కోసం అన్వేషిస్తుంది. అక్టోబరు 14న నాసా ఎల్‌ఆర్‌వో కూడా ఆ ప్రాంతాన్ని చిత్రీకరించనుంది. మరోవైపు, ఆర్బిటర్‌లోని 8 సైన్స్‌ పరికరాలపై ప్రయోగాత్మకంగా నిర్వహించిన పరీక్షలు విజయవంతమయ్యాయని ఇస్రో వెల్లడించింది. వాటి నుంచి డేటా, చిత్రాలు అందనున్నాయని వివరించింది. చంద్రుడి ఉపరితలంపై ల్యాండర్ దిగిన తర్వాత రోవర్ బయటకు వచ్చి అక్కడ వాతావరణ పరిస్థితులపై పూర్తిస్థాయిలో సమాచారం సేకరించేలా రూపొందించారు. దీని జీవిత కాలం ఒక్క లూనార్ రోజు (చంద్రుడిపై ఒక్క రోజు భూమిపైన 14 రోజులతో సమానం).

దక్షిణ ధ్రువం ఎల్లప్పుడూ ఛాయా ప్రదేశంలోనే ఉంటుంది. ఇక్కడ సూర్యకిరణాలు ఎక్కువగా ప్రసరించకపోవడంతో చీకటిగానే ఉంటుంది. అందుకే సూర్యోదయం అయ్యే సమయానికి విక్రమ్ ల్యాండింగ్ అయ్యేలా ఇస్రో ప్రణాళికలు రూపొందించింది. చంద్రుడిపై విక్రమ్ దిగిన నాలుగు గంటల తర్వాత అందులోని ప్రజ్ఞాన్‌ రోవర్‌ బయటకు వస్తుందని అంచనా వేశారు. సోలార్ ప్యానల్స్ సాయంతో అవసరమైన విద్యుత్‌ను ఉత్పత్తి చేసుకునేలా ఏర్పాట్లు చేశారు. అన్ని దశలాలను చంద్రయాన్-2 విజయవంతంగా పూర్తిచేసినా, చివరి మెట్టుపై ఆగిపోయింది.

కొంటె చూపులతో కుర్రళ్ళకు నిద్రలేకుండా చేస్తున్న నాగ్ బ్యూటీ..

0

నేనున్నాను ,సంతోషం, మనం వంటి సక్సెస్ చిత్రాల్లో అక్కినేని నాగార్జునకు జోడిగా నటించి మంచి నటిగా గుర్తింపు తెచ్చుకున్న సెక్సీ బ్యూటీ శ్రేయ శరన్ పరిచయం అక్కర్లేని పేరు. తెలుగు, తమిళ్, హిందీ చిత్రాల్లో కూడా నటించి మంచి గుర్తింపు తెచ్చుకుంది.. మొదట ఇష్టం సినిమాతో తెలుగులోకి ఎంట్రీ ఇచ్చిన శ్రేయ ఆ తర్వాత చాలా సినిమాలలో నటించింది. ఆ సినిమాలన్నీ కూడా ఆమెకు మంచి పేరును తీసుకొచ్చాయి.

ఇకపోతే.. ఈమె పెద్ద హీరోల నుండి చిన్న హీరోల వరకు అందరితోనూ నటించింది. లైఫ్ ఈజ్ బ్యూటిఫుల్ లాంటి గల్లిలో కథ సాగే చిత్రంలో కూడా ఆమె నటించింది. నటనకు ప్రాధాన్యం ఉన్న ఏ పాత్రలో నైనా నటించడం ఒక్క శ్రేయ కు మాత్రమే సాధ్యం. ఇది ఇలా ఉండగా ఈ మధ్య శ్రేయ సినిమాలకు దూరంగా ఉంది. కానీ సోషల్ మీడియాలో మాత్రం ఎప్పుడు చురుకుగానే ఉంటుంది.

విషయానికొస్తే.. ఓ ఇంగ్లీష్ అబ్బాయిని పెళ్లిచేసుకున్న ఈ బ్యూటీ భర్తతో కలిసి లైఫ్ ను ఎంజాయ్ చేస్తుంది. ఎక్కడికి వెళ్లిన కూడా ఫోటోలను క్లిక్ మనిపించి సోషల్ మీడియాలో పోస్ట్ చేస్తూ వస్తుంది. ఆ ఫొటోలన్నీ శ్రేయ అందాలను మరింత ఎక్కువగా చూపిస్తూ యూ ఉన్నాయి. పెళ్ళైతే ఎవరైనా పద్దతిగా ఉంటారు కానీ శ్రేయ మాత్రం వయసు తో సంబంధం లేకుండా అందాలతో ప్రదర్శన ఇస్తున్నట్లు ఫోటోలను పోస్ట్ చేస్తుంది..

ఇక ఆ ఫోటోలకు కామెంట్లు కూడా విపరీతంగా వస్తున్నాయి. హాట్ అని కొందరు .. కాస్త నీ భర్తకు కూడా చూపించమ్మా అంటూ ట్రోల్ల్స్ పడుతున్న కూడా ఆమె ఏ మాత్రం పట్టించుకోని శ్రేయ బికినీ లో ఉన్న ఫోటోలను కూడా షేర్ చేస్తూ వస్తుంది. నిన్న కాక మొన్న శ్రేయ బీచ్లో బికినీ వేసుకొని డ్యాన్స్ అదరగొట్టింది.. ఏమైందని శ్రేయ కు మరి ఇంతలా రెచ్చిపోయింది అని అందరు అన్నారు అయినా ఏ మాత్రం తగ్గకుండా ఇంకా ఎక్కువగా ఫోటోలను పోస్ట్ చేస్తూ పాపులారిటీని పెంచుకుంటుంది ఆ ఫోటో పై మీరు ఓ లుక్ వేసుకోండి..

నాగ శౌర్య ఏఏన్ ఆర్ టైటిల్ తో వస్తున్నాడా ?

0

యంగ్ హీరో నాగ శౌర్య డిఫెరెంట్ కథాంశాలను ఎన్నుకుంటున్నాడు.2018 లో నాగ శౌర్య నటించిన నాలుగు సినిమాలు రిలీజ్ అయ్యాయి.మొదటగా వచ్చిన ఛలో సినిమా కమర్షియల్ గా మంచి విజయం సాధించింది. వెంకీ కుడుముల దర్శకత్వం వహించిన ఛలో సినిమా లో రష్మిక మందన హీరోయిన్ గా నటించింది. యాక్షన్ మరియు కామెడీ జానర్ లో వచ్చిన ఈ సినిమాలో నాగ శౌర్య నటనకు మంచి మార్కులే పడ్డాయి.

ఛలో తరువాత ఆయన నటించిన “కణం” సినిమా రిలీజ్ అయ్యంది. సాయి పల్లవి హీరోయిన్ గా నటించిన ఈ సినిమా తెలుగు మరియు తమిళంలో ఒకే సారి తెరకెక్కింది. హరర్ జానర్ లో వచ్చిన ఈ సినిమా ప్రేక్షకులను ఆకట్టుకోలేకపోయింది. ఆ తరువాత అమ్మగారిల్లు సినిమాలో నటించాడు.ఈ సినిమా ఫ్లామిలీ ఎంటర్టైనర్ గా తెరకెక్కింది.. శామిలి హీరోయిన్ గా నటించిన ఈ సినిమాకు సూర్య దర్శకత్వం వహించాడు.ఈ సినిమా ఆశించిన రీతిలో విజయం సాధించలేదు. ఆగస్టు లో నర్తనశాల సినిమా తో ప్రేక్షకుల ముందుకు వచ్చాడు. ఈ సినిమా ఫ్లాప్ గా నిలిచింది.

రీసెంట్ గా హిట్ అయిన ఓ బేబి సినిమా లో గెస్ట్ రోల్ చేశాడు. ఈ సినిమాలో సమంత నాగశౌర్య మధ్య వచ్చిన సన్నివేశాలు ప్రేక్ల్షకులను చాలా బాగా ఆకట్టుకున్నాయి . ప్రస్తుతం సితార ఎంటర్‌టైన్‌మెంట్స్ బ్యానర్ లో సినిమా చేస్తున్నరని ఆఫిషియల్ గా అనౌన్స్ చేశారు.ఈ సినిమా కి అక్కినేని నాగేశ్వరరావు హీరో గా నటించిన “మూగ మనసులు” పేరును అనుకుంటున్నారని వార్తలు వస్తున్నాయి. టైటిల్ మాత్రమే కాకుండా సినిమా కాన్సెప్ట్ కూడా పునర్జన్మల నేపథ్యంలోనే ఉంటుందని అంటున్నారు. ఈ విషయాలపై అధికారిక ప్రకటన చేయలేదు. సూర్యదేవర నాగవంశీ నిర్మిస్తున్నఈ సినిమా తో లక్ష్మీ సౌజన్య’ అనే నూతన దర్శకురాలు తెలుగు తెరకు పరిచయం అవుతుంది. ఈ సినిమా అక్టోబర్ లో రెగ్యులర్ షూటింగ్ మొదలవుతుందని టాక్.

నాగచైతన్య మొదటి భార్య గురిచి షాకింగ్ న్యూస్ బయటపెట్టిన సమంత !

0

సినిమా సెలెబ్రెటీల వ్యక్తిగత జీవితానికి సంబంధించిన సీక్రెట్స్ తెలుసుకుందామని అందరికీ విపరీతమైన ఆసక్తి ఉంటుంది. ఇప్పుడు అదే ఆసక్తిని క్యాష్ చేసుకుందామని మంచు లక్ష్మి ఒక ప్రముఖ ఛానల్ కోసం నిర్వహిస్తున్న ‘ఫీట్ అప్ విత్ స్టార్స్’ కార్యక్రమం ప్రారంభం అయింది. తారల పడక గది రహస్యాలు సరదాగా అందరికీ షేర్ చేసే ఉద్దేశ్యంతో ఈ కార్యక్రమాన్ని డిజైన్ చేసారు.

ఈ షో సిరీస్ లో మంచు లక్ష్మి సమంతతో తన షోను ప్రారంభించింది. చైతన్యతో ప్రేమ ఆపై పెళ్ళికి సంబంధించి చాలామందికి తెలియని కొన్ని సీక్రెట్స్ చెప్పమని మంచులక్ష్మి సమంతను అడిగింది. దీనికి కొద్దిసేపు సమంత మౌనం వహించడంతో చైతన్యతో పెళ్ళికి ముందు మీరిద్దరూ డేటింగ్ లో ఉన్నారు అన్న విషయం తనకు తెలుసు అంటూ జోక్ చేసింది.

దీనితో నవ్వుతూ సమంత చైతూకి సంబంధించిన అనేక విషయాలను షేర్ చేస్తూ చైతన్యకు ఉన్న మొదటి భార్య సీక్రెట్ ను బయటపెట్టింది. చైతన్యకు తనకన్నా తన బెడ్ పై ఉండే పిల్లోస్ అంటే చాల ఇష్టమని ఆఖరికి తాను చైతన్యను ముద్దు పెట్టుకోవాలి అని భావించినా తమ మధ్య అడ్డుగా ఆ పిల్లోస్ ఉంటాయని జోక్ చేస్తూ తమ బెడ్ రూమ్ రహస్యాలను బయటపెట్టింది.

అంతేకాదు బయటకు ఎంతో సాంతంగా కనిపించే చైతన్యకు ఉన్న కోపాన్ని పిల్లలు అన్నా జంతువులు అన్నా చైతన్యకు ఉన్న ప్రేమకు సంబంధించిన అనేక ఆసక్తికర విషయాలను ఈ షోలో సమంత మంచు లక్ష్మితో షేర్ చేసింది. ప్రముఖ సెలెబ్రెటీలు అనేకమంది పాల్గొనబోయే ఈ కార్యక్రమం ద్వారా తారల బెడ్ రూమ్ రహస్యాలను ఓపెన్ సీక్రెట్ గా మార్చి మంచు లక్ష్మి మరో టాక్ షో ద్వారా బుల్లితెర ప్రేక్షకులకు దగ్గర కావడానికి ప్రయత్నాలు చేస్తోంది..

జగన్ ’రివర్స్’ తో చంద్రబాబుకు షాక్

0

జగన్మోహన్ రెడ్డి నమ్ముకున్న రివర్స్ టెండరింగ్ విధానం చంద్రబాబునాయుడుకు పెద్ద షాక్ ఇచ్చింది. జగన్ ప్రభుత్వం శ్రీకారం చుట్టిన పోలవరం ప్రాజెక్టు 65వ ప్యాకేజీ పనులను రూ. 58 కోట్ల తక్కువకే పనులు దక్కించుకుంది. శుక్రవారం రాత్రి ఓపెన్ చేసిన రూ. 274.25 కోట్ల విలువైన పనులకు రివర్స్ టెండర్ విధానంలో మ్యాక్స్ ఇన్ ఫ్రా కంపెనీ 15.6 శాతం తక్కువ ధరలకే దక్కించుకుంది.

ఎన్నికలకు ముందు ఇదే ప్యాకేజిలోని ఇదే పనిని మ్యాక్ ఇన్ ఫ్రా కంపెనీనే 4. 77 శాతం అధిక ధరకు దక్కించుకున్న విషయం అందరికీ తెలిసిందే. అంటే చంద్రబాబు హయాంలో అధిక ధరలకు దక్కించుకున్న పనులనే కంపెనీ జగన్ ప్రభుత్వంలో మాత్రం 15.6 శాతం తక్కువ కోట్ చేసి పనులను దక్కించుకోవటం విశేషం. అప్పట్లో ఎక్సస్ ఎందుకు కోట్ చేసి పనులను దక్కించుకుంది ? ఇపుడు తక్కువకు ఎందుకు దక్కించుకుంది?

ఎందుకంటే అప్పుడున్నది చంద్రబాబు, ఇపుడున్నది జగన్ అనే ప్రత్యేకంగా చెప్పక్కర్లేదు. చంద్రబాబు హయాంలో జరిగిన ప్రతీ ప్రాజెక్టును చాలా కంపెనీలు ఎక్సస్ ధరలకే పనులను దక్కించుకున్నాయి. దాంతో 100 రూపాయల పనికి చంద్రబాబు ప్రభుత్వం 200 రూపాయలు చెల్లించాల్సొచ్చేది. చంద్రబాబు హయాంలో జరిగిన అవినీతిని బయటపెట్టటమే టార్గెట్ గా జగన్ రివర్స్ టెండర్ విధానాన్ని తీసుకొచ్చారు.

ఈ పద్దతిలో టెండర్లు పిలిచి ఓపెన్ చేసిన మొదటి పనిలోనే జగన్ ప్రభుత్వానిక సుమారు రూ. 58 కోట్లు మిగిలాయంటే ఇక వేల కోట్ల విలువైన ప్రధాన పనుల్లో ఇంకెంత మిగులుతాయో అర్ధం చేసుకోవచ్చు. జగన్ ప్రభుత్వానికి మిగిలే వేల కోట్ల రూపాయలు చంద్రబాబు హయాంలో అవినీతి జరిగినట్లే అర్ధంకదా ? తన హయాంలో ఇదే మ్యాక్స్ ఇన్ ఫ్రా కంపెనీ 4.77 శాతం అధిక ధరలకు దక్కించుకుని ఇపుడు మాత్రం 15.6 శాతం తక్కువకు ఎలా పని చేయగలుగుతోందో చంద్రబాబు చెప్పగలరా ?